Ginkondenar sang China ang ginhimo sang Estados Unidos kag sang Canada nga pagpadala sang warships sa Taiwan Strait sang nagligad nga semana.
Ang China, nga amo ang nagaangkon sa Taiwan bilang ila teritoryo, ang nagpahayag nga gina-threaten sang US kag Canada ang kalinong kag stability sa Taiwan.
Antes sini, ang China mismo ang nagpatigayon sang sulit-sulit nga air force missions paagi sa pagpalupad sang ginabanta 150 ka aircraft sa air defense identification zone (ADIZ) sang Taiwan.
Natabo ini sa sulod lang sang apat ka adlaw halin sang Oktubre 1 — ang ginakabig pinakamalala nga tension sa Taiwan Strait.
Sunod diri, nagpahayag ang US military nga nagpadala sila sang Arleigh Burke-class guided missile destroyer nga USS Dewey sa Taiwan Strait upod ang Canadian frigate nga HMCS Winnipeg.
“Dewey’s and Winnipeg’s transit through the Taiwan Strait demonstrates the commitment of the United States and our allies and partners to a free and open Indo-Pacific,” suno sa militar sang US.
Hugot naman ang pagbantay sang China sang “naglabay” ini nga mga warships sang US kag Canada. Pahayag sang China: “The United States and Canada colluded to provoke and stir up trouble… seriously jeopardizing peace and stability of the Taiwan Strait. Taiwan is part of Chinese territory. Theatre forces always maintain a high level of alert and resolutely counter all threats and provocations.” ##
