Matapos ang 12 ka adlaw nga pagtinir sa International Space Station (ISS), nakabalik na sa Earth ang Russian actor kag film director nga amo ang naga-shoot sang first movie in space.
Ginkumpirma sang Russian space agency nga Roscosmos nga nag-land na sa remote area sa guwa sang western Kazakhstan ang Soyuz MS-18 space capsule nga amo ang ginsakyan nanday Russian ISS crew member Oleg Novitskiy, Yulia Peresild kag Klim Shipenko.
Kulang para sa 37 anyos nga aktres nga si Peresild ang 12 ka adlaw nga iya gintinir sa space.
“I’m in a bit of a sad mood today.. That’s because it had seemed that 12 days was such a long period of time, but when it was all over, I didn’t want to bid farewell,” suno sa aktres.
Ginpadala na sanday Peresild kag Shipenko sa Russian Star City — home sang space program sang Russia — para sa ila nga post-flight recovery.
