Hugot nga gina-monitor sang Japan ang aktibidad sang 10 ka Chinese kag Russian naval vessels nga naglabay sa dagat nga amo ang nagaseparar sa main island sang Hokkaido kag sa Japan.
Suno kay Deputy Chief Cabinet Secretary Yoshihiko Isozaki, wala man sang ginlapas ang duha ka pungsod apang dapat gihapon bantayan.
Ini ang una nga bes nga nag-agi sang dungan ang vessels sang China kag Russia sa Tsugaru Strait agud makasulod sa Pacific.
Suno sa security analyst sang National Institute of Defence Studies (NIDS), nga affiliated sa Defence Ministry sa Tokyo, daw kaangay nga ginapakita sang China sa Japan ang ila nga pwersa militar kag ang abilidad sini nga makalayag bisan diin nila gusto.
Ang Russia naman ang ginalantaw nga nagapalab-ot sang kaangay man nga mensahe sa Estados Unidos.
