Naghatag sang suhestyon ang grupo sang mga travel agency sa gobyerno nga dapat may yara sang isa lang ka standard protocols ang mga local government unit (LGU) sa mga tourist destination.
Suno sa Philippine Travel Agencies Association, mas ma-engganyo ang mga byahero kun mas simple ang protocols kag mabuhinan ang gasto kaangay sa RT-PCR COVID-19 test.
Suno kay Ritchie Tuaño, presidente sang grupo, wala pa nakabawi ang mga travel agency kag madugayan pa antes makabangon ang industriya.
Nahibaluan nga sang Disyembre 2020, ginhingyo man sang Department of Tourism ang unified travel protocol sa mga tourist spot.
Apang sa ulihe, ang mga LGU man sa gihapon ang makadesisyon.
