Wala nagpirma sa 2021 United Nations Climate Change Conference (COP26) pledge ang India nga untatan ang deforestation kag methane gas emissions sa 2030 bangud sa ginkabalak-an sini nga impact sa trade, farm sector kag epekto sa livestock sa rural economy sang pungsod.
Mandaan nga sang Nobyembre 2, nagpromisa ang mga world leaders sa COP26 global climate conference sa Glasgow, Scotland nga untatan na ang deforestation kag methane gas emissions agud nga makabulig sa paghagan-hagan sang climate change.
Sa $2.7 trillion ukon P136 trillion nga ekonomiya sang India, 15% sini ang halin sa agrikultura samtang tunga sang masobra 1.3 billion ka tawo naman ang nagatrabaho sa nasambit nga sektor.
Gani dako nga pagpanghangkat para sa nasambit nga pungsod nga buhinan ang methane emissions nga gina-generate sang digestive systems kag higko sang baka.
Magluwas sa India, ang China kag Russia ang wala man nagpirma sa pledge nga nagapanawagan sang efforts sa pagbuhin sang emissions sang methane sang 30% sa 2030.
