Magapadala ang Espanya sang apat ka warplanes kag 130 ka tropa sa Bulgaria subong nga semana.
Kasunod ini gihapon sang nagasaka nga tensyon bangud sang tropa sang militar nga ginpalibot sang Russia sa border sang Ukraine.
Sandig sa kumpirmasyon sang Bulgarian defense ministry, ang una nga Spanish Eurofighter jets ang magaabot sa Bulgaria sa weekend kag gamiton ini para sa airspace protection duties kaupod ang Bulgarian Air Force.
Magalawig ini tubtub sa katapusan nga bahin sang Marso agud nga masigurado ang seguridad sang mga pungsod nga kabahin sang North Atlantic Treaty Organization (NATO) nga yara sa east part sang Europa.
Ang Netherlands ang ginalauman man nga magpadala sang F-35 aircraft sa Bulgaria sa Abril kag sa Mayo para sa air policing activities.
Ang Bulgaria ang myembro sang NATO halin sang 2004.
Ang Ukraine naman ang nagapati nga may tyansa pa nga masolbar ang gamo paagi sa diplomasiya, apang may yara na sang mga grounds nga mag-patuman sang sanctions batok sa Russia. ## — with a report from Reuters
