ILOILO CITY- Napuno sang hugot nga pagkondena kay President Vladimir V. Putin ang pinakauna nga State of the Union address ni President Joe Biden sang Estados Unidos.
Sa iya address nga naghatag atensyon sa giyera sa Europa, ginpahayag ni Biden nga ang nagsabwag si Putin sang kalakasan kag kinagamo.
Suno kay Biden, nagadaog man subong si Putin sa pag-awayan,apang mahal ang kabayaran nga sukton sa iya sa palaabuton.
Ginpasiguro naman sang presidente nga magaupod ang US sa European allies sa pagpasirado sang airspace sa mga eroplano nga halin sa Russia.
Samtang, gintalupangod man sang US President ang paglab-ot sang America sang panibag-o nga kadalag-an sa away batok sa COVID-19 kag gin-anunsiyo ang paglunsar sang “test to treat” plan kag pag- provide sang free antiviral pills sa mga botika para sa mga tawo nga nagapositibo sa COVID-19.
Gin-abi -abi naman ni Biden ang problema sa inflation nga nagapugong sa mga Amerikano agud magsanyog.
Ginduso man niya ang iya domestic policy agenda paagi sa pagsiling nga kinahanglan sang kongreso nga ipasar ang pila ka importante nga bahin sang iya Build Back Better agenda.
Gindugang man niya nga sa pihak sang ginapangatubang nga krisis sang US, mangin “OK” sa gihapon ang US kag ang mga pumuluyo sini.
