May mga naga-guluwa subong nga video nga nagapakita kun paano ginabatuan sang Ukraine ang pwersa sang Russia nga amo ang nagsulod sa ila nga pungsod sang nagligad nga semana.
Isa sa nag-viral gid nga video amo ang black-and-white footage nga gin-post sa account sang Ukrainian armed forces nga may caption: “Have fear, enemies! There will be no peace for you on our earth!”
Nagapakita ini kun ano ang epekto sang Ukrainian drone strikes sa Russian hardware. Sandig sa statement si Ukrainian President Volodymyr Zelensky, kapin 6,000 na ka mga soldado sang Russia ang ila nga napatay halin sang ginpatigayon sang Moscow ang invasion sang Pebrero 24.
Ang bida sa sini nga video amo ang Bayraktar TB2 – isa ka sahi sang Turkish drone nga amo ang gingamit sang Ukrainian military batok sa Russian forces halin sang nagligad nga semana.
Kahapon, ginpahayag sang Ukrainian military nga ginguba sang Bayraktar drones ang isa ka tangke kag surface-to-air missile systems sang Russia sa sulod lang sang isa ka gabi.
Sa iban pa nga videos, ginpakita man kun paano ginpanas sang Bayraktar drones ang Russian fuel convoy kag grupo sang supply trucks.
Ang amo nga drone ang may yara sang 12-meter nga wingspan kag makapabilin sa kahawaan sa sulod sang 30 ka oras.
Ang kada drone ang maka-karga sang apat ka laser-guided missiles. Makalupad ini sa 138 miles kada oras, makasarang nga nga makadala sang apat ka smart munitions ukon military weapons nga tubtub sa 330 pounds.
Antes ang bulig sini sa Ukraine, ang Turkish Bayraktar drones ang nakapasundayag naman sa Ethiopia, Azerbaijan, Libya kag Syria.
Sa away sang Azerbaijan kag Armenia sang 2020, ang Turkish drones ang nagpadaog sang Azeri batok sa Armenia – pungsod nga kaalyado man sang Russia.
Ginpahayag sang U.S. and European military analysts nga amo ini ang “unexpected weaknesses” sa bahin sang Russian army. ##
