Napatay ang high-ranking military official sang Russia samtang nagapakig-away batok sa pwersa sang Ukraine.
Ini amo si Major General Andrey Sukhovetsky nga amo ang deputy commander sang 41st Combined Arms Army sang Central Military District sang Russia.
Sandig sa military sources, sniper ang nakapatay kay Sukhovetsky.
Siya ang most senior figure halin sa Russia nga ginbawian sang kabuhi halin sang gin-atake sang Moscow ang Ukraine.
Kadungan sini, sa labing-una nga tion, gin-ako sang Russia nga 498 sa ila tropa ang napatay kag 1,600 ang napilasan sang ginpatigayon ang ila ginapahayag ‘special military operation’ sa Ukraine.
Kun basehan naman ang numero nga ginpa-guwa sang Ukraine, 9,000 sa mga soldado sang Russia ang ila nga napatay halin sang natabo ang Russian invasion sang Pebrero 24.
