Ginpahayag nga ginlapas sang Russia ang ila ginkasugtan nga ceasefire sa tunga sang Ukraine bangud nagapadayaon ang ila pagbuya sang airstrike.
Ang ceasefire ang pamaagi agud nga maka-evacuate ang mga tawo sa duha ka syudad sang Mariupol kag Volnovakha sa Ukraine.
Ini ang pinakauna nga ceasefire nga ginakasugtan matapos ang 10 ka adlaw nga Russian invasion.
Suno kay Iryna Vereshchuk, Ukrainian Minister of Reintegration of Temporarily Occupied Territories, makabig nga gingamit lang sang Russia ang pag-untat sang kinagamo agud nga mas mapadasig ang pagsulod sang Russian troops sa Ukraine.
Suno naman kay Bombo International Correspondent Joy Tolentino,– direktas sa Ukraine, padayon ang pagpangbomba sang Russian troops sa syudad sang Volnovakha, ang eastern part sang Donetsk region, sa diin nahamtang ang evacuation corridor nga amu kuntani ang magapahanugot sa mga sibilyan nga maghalin sa Ukraine.
Suno kay Tolentino, gin-postpone man ang evacuation sa Mariupol.
Apisar sang wala untat nga pagpangbomba sang Russia, wala man napunggan nga magdinugok ang mga tawo sa train stations suno kay Tolentino bangud halos tanan ang desperado na nga makalikaw sa pagpang-atake sang Russia.
Pila naman ka mga Pilipino suno sa natungdan ang nagpadulong na sa train stations agud nga mag-evacuate padulong sa iban nga pungsod.
