Ginaduso sang National Economic Development Authority (NEDA) nga pasakaan ang fuel subsidy para sa mga driver sang public utility vehicles agud mabuligan man sila nga makatungkaaw sa nagatimbuok nga presyo sang gatong.
Halin sa P2.5 billion, ginaduso nga pasakaon ini sa P5 billion.
Suno kay NEDA Secretary Karl Chua, target nga mapanagtag na ang una nga hugnat sang ayuda subong nga Marso kag sa Abril naman ang second tranche.
Gin-propose man sang NEDA nga panubuon sa Alert Level 1 ang bilog nga pungsod kag ibalik na ang face-to-face classes agud nga mapabangon ang domestic economy.
Ginaduso man nga pasakaan ang ayuda sa agricultural producers halin sa P500 million tubtub P1.1 billion, kag igapanagtag man sa March kag April 2022.
