Kalakip sa anom ka mga unibersidad sa Pilipinas ang West Visayas State University sa mga nakabaton sang P12.1 million nga grant naghalin sa Europian Union.
Ang tagsa ka unibersidad ang makabaton sang masobra P2 million.
Ang iban pa nga mga unibersidad nga nakabaton sang grant amo ang; Adamson University, University of San Carlos, University of the Visayas, Father Saturnino Urios University, kag St. Louis University.
Ini ang sa idalom sang EU’s Governance in Justice (GOJUST) program.
Sa interview sang Bombo Radyo kay Dr. Joselito Villaruz, presidente sang WVSU, iya ginpahayag nga ang amo nga grant ang para sa mas mahapos nga access ukon ihibalo sang mga kababainhan nahanungod sa mga layi nga nagaprotekta sa ila batok sa ano man nga sahi sang pagpang- abuso ukon violence.
Pinaagi sa amo nga grant, ang mga unibersidad ang makaimplementar sang Clinical Legal Education Program (CLEP) sang korte suprema agud mangin dalan sa pagpromote sang mas mahapos nga access sa hustisya sang mga kababainhan kag iban pa mga yara sa vulnerable group.
Ang CLEP ang isa ka credit-earning teaching course nga may tinutuyo maghatag sang ihibalo kag kaalam sa mga law students sa application sang layi, pagpalab-ot sang legal services, kag pag-promote sang justice ilabi na sa mga marginalized communities.
Suno sa EU Delegation sa Manila, ang West Visayas State University ang magatukod sang legal help desk para sa mga kababainhan kag marginalized groups.
Ang WVSU ang magapatindog sang Gender and Development (GAD) Office kag maga-collaborate sa Women and Children Protection Unit (WCPU) sang Western Visayas Medical Center agud makadihon sang help desk.
Suno kay Dr. Villaruz, duha na ka barangay sa syudad ang ila na-adapt nga amo ang mangin kabahin sang ila igapatuman nga mga programa.
