Nagpatigayon sang major roll back ang Petro Gazz Panay agud nga mabuligan ang mga drivers kag consumers sa nagapadayon nga pagsaka sang presyo sang gatong.
Ang roll back ang epektibo subong nga adlaw, Marso 10 tubtob 13.
Ang diesel ang nagnubo sang P5.85 samtang ang gasolina ang nagnubo sang P3.60.
Sa interview sang Bombo Radyo Iloilo kay Cyrus Ching, Retail Sales Specialist sang Petro Gazz Panay, iya ginpahayag nga ang management sang kompaniya ang nagdesisyon nga magpapatigayon sang major roll back sang presyo sang gatong apisar sang nagapadayon nga price hike sa iban nga kompaniya.
Dugang pa ni Ching, sang ginbalita sang Bombo Radyo Iloilo nga may roll back ang Petro Gazz Panay, madamo sang nagpila kag nagpatughong sa ila.
Ginpasigurado man ni Ching nga tinguhaan nila nga bastante ang suplay sang ila gatong.
Sa subong, yari ang presyo sang gatong sa mga gasolinahan sang Petro Gazz Panay:
diesel: P58.50
regular gasoline: P67.50
premium gasoline: P68.00
