ILOILO CITY – Nag-apelar ang Iloilo City Government sa Inter-Agency Task Force nga ipaidalom ang syudad sa alert level 0.
Sa idalom sang alert level 0, optional ang pagsuksok sang face mask, wala na sang work from home scheme kag balik naman ang face-to-face classes.
Sa interview sang Bombo Radyo kay Iloilo City Mayor Jerry Treñas, iya ginpahayag nga naganubo na ang kaso sang COVID-19 sang syudad subong man ang average daily attack rate (ADAR) kag healthcare utilization rate (HCUR).
Dugang pa ni Treñas, kung pasugtan ang National Capital Region (NCR) nga ipaidalom sa alert level 1, dapat pasugtan man ang syudad sang Iloilo.
Padayon naman ang paghingyo sang alkalde sa mga ginikanan nga bakunahan na ang ila mga kabataan nga naga edad 5-11 anyos.
