ILOILO CITY- Nag-apelar ang Archdiocese of Jaro sa tanan nga stakeholders nga tungdan ang tagsa-tagsa ka papel agud mahagan-hagan ang problema nga dala sang nagapadayon nga fuel crisis sa pungsod.
Sa interview sang Bombo Radyo kay Msgr. Meliton Oso, director sang Archdiocesan Social Action Center (JASAC), iya ginpangabay sa mga kapitalista ukon mga kompaniya sang langis nga indi magpamentaha sa sitwasyon kag hatagan man konsiderasyon ang tanan nga pumuluyo nga apektado sang pagpasaka sang presyo sang gatong.
Suno kay Msgr. Oso, iya man ginahingyo sa gobyerno nga padasigon na ang pagdihon sang mga layi agud nga makontrol ang mga kompaniya agud indi ang mga ini makapagusto sa pagginansya.
Gin-engganyo man ni Oso ang publiko nga edukaron ang kaugalingon kag magtingob sang tingog agud tultugon ang gobyerno nga pamatian ang ginabakho sang mga pumuluyo.
