ILOILO CITY- Ginhikayan ni Senate Minority Leader Franklin Drilon ang tikang sang gobyerno nga paghatag sang P200 nga monthly subsidy sa mga pigado nga pamilya sa tunga sang ginapangatubang nga fuel crisis.
Sa interview sang Bombo Radyo kay Sen. Drilon, iya ginpahayag nga halos wala sang malab-utan ang P200 kun tungaon ini sa sulod sang 30 ka adlaw kag indi gani ini makaigo sa pamasahe.
Suno kay Drilon, ang pinakamaayo nga himuon agud indi mag-antos ang mga pumuluyo amo nga i-suspende ang excise tax sa produktong petrolyo.
Dugang pa sang senador, bisan sa sulod sang pila ka bulan lang kun isuspende ang excise tax, dako na ang mabulig sini sa tanan nga pumuluyo ilabi na nga apektado man sang mataas nga presyo sang gatong ang presyo sang nagapanguna nga balaklon.
