Ginkalipay sang mga jeepney drivers sa syudad sang Iloilo ang ila na nabaton nga P6,500 nga fuel subsidy naghalin sa gobyerno.
Sa interview sang Bombo Radyo kay Jun Remorin, jeepney driver nga may byahe Jaro CPU- Ungka, iya ginpahayag nga tama gid kadako sang mabulig sang ayuda nga makasapin-sapin nga may madala sila pauli sa ila puloy-an.
Suno kay Remorin, ang P6,500 ang indi para lang sa iya pagpatughong sang gatong kundi ang iban sini ang ibakal man niya sang mga kinahanglanon sa ila nga panimalay.
Wala man suno sa natungdan nagapangayo ang iya operator sang ila parte sa amo nga fuel subsidy.
Apisar sang ila nabaton nga ayuda, nagapanawagan sa gihapon ang mga drivers nga panubuan ang presyo sang produktong petrolyo agud nga makabawi na sila sa ila nga kita.
