Nahangpan ni Iloilo City Councilor Nene Dela Llana kun ano gid ang ugat sang mga pagpang-atake ni Iloilo PICAO Head Nereo Lujan sa administrasyon ni Mayor Raisa Treñas.
Sa interview sang Bombo Radyo kay Dela Llana, ginsiling niya nga nahibaluan niya nga akig si Lujan sa amay ni Mayor Raisa nga si former Mayor Jerry Treñas.
Apang suno sa konsehal, kuntani indi na pagdalahigon ni Lujan ang anak sang anay alkalde.
Madumduman nga sang 2024, nagpasaka ang former mayor sang cyber libel complaint batok kay Lujan bangud sa kritisismo sini sa anay alkalde angot sa demolition sang heritage structure sang Iloilo Central Market.
Nagpasaka naman si Lujan sang administrative complaints sa Office of the Ombudsman-Visayas batok kay Treñas bangud sa gin-alegar sini nga grave misconduct, grave abuse of authority, conduct unbecoming, kag acts prejudicial to the interest angot sa amo nga demolisyon.
