Handa si Ukrainian President Volodymyr Zelensky nga makig-negosyar kay Russian President Vladimir Putin.
Apang kadungan sini nga pahayag, nagpaandam si Zelensky nga kun mapalpak ang negosasyon, posible nga maglab-ot na sa World War III ang away sa tunga sang duha ka pungsod.
Suno pa kay Zelensky, duha na siya ka tuig nga preparado para sa pagpakigsugilanon.
“I’m ready for negotiations with him. I was ready for the last two years. And I think that without negotiations we cannot end this war,” suno kay Zelensky.
Apisar 1% lang suno sa iya ang tyansa nga mauntat ang away, dapat nga gamiton gid ang uno porsyento.
“I think that we have to use any format, any chance in order to have a possibility of negotiating, possibility of talking to Putin. But if these attempts fail, that would mean that this is a third World War,” dugang pa sini.
Ini nga pahayag sang presidente sang Ukraine ang ginsuportahan naman sang pila ka opisyal sang Estados Unidos lakip na ang U.S. ambassador to the United Nations.
Ini nga statement ni Zelensky ang kasunod man sang anunsyo sang Ukrainian officials nga ginbombahan sang Russia ang isa ka art school sa city of Mariupol kun sa diin ginatos ka tawo ang nagatinir. ##
