Magabisita si US President Joe Biden sa Poland agud makigsapol kay President Andrzej Duda kag dikusyunan ang Ukraine-Russia crisis kag ang international response kasunod sang gamo.
Sa statement sang White House, magapadulong si Biden sa Poland kun matapos na sini ang pagbisita sa Belgium kun sa diin tabuon niya ang mga lider sang NATO, G7 kag European Union.
Ginapahayag nga maga sentro ang istoryahanay sa suporta sang US sa Ukraine kag pagpamatok kay Russian President Vladimir Putin.
Sa latest record sang Polish border guard, yara sa duha ka milyon nga refugees ang naghalin sa Ukraine kag nagsulod sa Poland umpisa sang ginpatigayon ang Russian invasion sang Pebrero 24.
Gin-athag man sang White house nga wala sang plano si Biden nga bisitahon ang Ukraine kadungan man sang iya byahe sa Europa.
Nahibaluan nga antes sini, nagpadulong na sa Kyiv, Ukraine ang mga prime ministers sang Poland, Czech Republic kag Slovenia. ##
