Ginpahayag ni Presidente Rodrigo Duterte nga wala siya sang ginasuportahan nga kandidato sa 2022 elections magluwas sa iya anak nga si Davao City Mayor Sara Duterte-Carpio nga nagapadalagan sa pagka-bise presidente.
Antes sini, isa sa mga presidential advisers ang naghingyo kay Duterte nga suportahan ang runningmate sang iya anak — si former senator Ferdinand “Bongbong” Marcos Jr. — agud nga maprotektahan siya sa mga kaso nga posible ipasaka sa iya kun magtakop ang iya nga termino.
Apang wala sang endorsement halin sa presidente, magluwas lang sa kumpirmasyon nga nakakit-anay sila ni Marcos sa Malacañang sa isa ka private meeting.
Apang sang Marso, sang ginpamangkot si Duterte kun ano dapat ang kinaiya sang masunod nga lider sang pungsod — ginpahayag sini nga kuntani abogado kag compassionate.
Sa mga presidential candidates subong nga tuig, ang lamang mga abogado amo sanday incumbent Vice President Leni Robredo kag si Jose Montemayor, Jr.
