ILOILO CITY- Ginalauman nga mas mapabaskog pa ang territorial defense operations sang Pilipinas sa tion nga matigayon na ang twin military exercises sa tunga sang Pilipinas, Estados Unidos kag Australia sa second ukon third quarter sang tuig.
Suno kay Bombo International Correspondent Denmark Suede direkta sa Australia, iya ginpahayag nga ang duha ka military exercises ang ginalakipan sang Carabaroo nga magasentro sang counterterrorism samtang ang Dusk Caracha naman ang magatutok sa paghanas sa Special Forces Regiment, First Scout Ranger Regiment, Light Reaction Regiment sang Philippine Army kag sang ila counterpart nga elite units gikan sa Australian Army natuhoy sa counterterrorism kag non-traditional competencies.
Pahayag ni Suede,ang Carabaroo nga military training subong nga tuig ang intrahan sang Philippine Army, Philippine Marine Corps, Australian Army kag US Marine Corps.
Nahibaluan nga ang Carabaroo ang ulihi nga ginpatigayon sa Australia sang 2019 kag ginpasakupan sang masobra 300 ka Filipino, American kag Australian soldiers.
Ang Dusk Caracha naman ang ulihi nga ginpatigayon sang 2015 sa Fort Magsaysay sa Nueva Ecija, nga gin-updan sang indi magnubo sa 117 ka Special Forces troops gikan sa Philippine kag Australian Armies.
Ang Australia isa ka key defense kag security ally sang Pilipinas kag ang duha ka mga pungsod ang may yara sang naga-eksister nga status sang Visiting Forces Agreement (SOVFA).
Matandaan nga sang damlag lang, nakigsapol si Philippine Army Commanding General Lt. Gen. Romeo Brawner Jr. kay Australian Ambassador to the Philippines Steven J. Robinson bilang kabahin sang preparasyon para sa duha ka joint military exercises.
