ILOILO CITY – Ginapanan-aw nga magdeklarar sang martial law si Russian President Vladimir Putin agud nga suportahan ang iya handum sa Ukraine.
Suno kay US Director of National Intelligence Avril Haines, ang tinutuyo ni Putin ang mas madako pa sa Russian military capabilities nga amo ang ginakahangaw-an nga mas malala pa kag indi mapaktan ang iya plano sa Ukraine.
Dugang pa ni Haines, sa nagakatabo subong sa Ukraine, makita nga mas delikado pa ang himuon ni Putin lakip na ang pagdeklara sang martial law.
Ginpahayag man sini nga indi pa maggamit sang nuclear weapons si Putin bangud wala pa nagapangatubang sang “existential threat” ang Russia.
