ILOILO CITY – Gin-imbitar sang Commission on Elections (COMELEC) ang mga top government officials lakip na sanday Presidente Rodrigo Roa Duterte nga magtambong sa proclamation sang 12 ka winning senators subong nga adlaw.
Suno kay COMELEC Commissioner George Garcia, ang mga government officials ang bukas nga magtambong sang okasyon kun may tyempo sila.
Suno kay Garcia, magluwas sa presidente, ang ila gin-imbitar amo sanday Vice President Leni Robredo, Senate President Tito Sotto, House Speaker Lord Allan Velasco, kag Chief Justice Alexander Gesmundo.
Suno kay Garcia, siya mismo ang nagduso nga imbitaron ang pinakamataas nga opisyal sang pungsod nga magtambong sa nasambit nga aktibidad.
Dugang pa niya nga amo ini ang una nga tion nga gin-imbitar nila ang top officials sang pungsod.
Nakahanda naman ang security protocols sa tion nga ang ini nga mga personalidad ang magkumpirma nga magtambong.
Ginpahanumdom man ni Garcia nga ang mga bisita ang indi na kinahanglan nga magpakita sang negative swab test result apang kinahanglan nga magdala sang vaccination card.
Sa subong, wala pa sang may nagkumpirma nga magtambong sa proclamation.
Suno naman kay COMELEC Acting spokesperson John Rex Laudiangco, nagsugod na sila pag-send sang mga imbitasyon sa mga emails sang mga senators-elect.
Base sa pinakaulihi nga National Tally Sheet nga ginpagwa sang National Board of Canvassers (NBOC) , yari ang mga nadala sa top 12:
- Robin Padilla nga may 26,494,737 votes;
- Antique Rep. Loren Legarda nga may 24,183,946;
3.broadcaster nga si Raffy Tulfo-23,345,261;
- Senator Sherwin Gatchalian-20,547,045;
- Sorsogon Governor Chiz Escudero- 20,240,923;
- former Public Works and Highways (DPWH) Secretary Mark Villar-19,402,685;
- former House Speaker Alan Peter Cayetano- 19,262,353;
- Senator Miguel Zubiri-18,663,253;
- Senator Joel Villanueva- 18,439,806;
- former senator JV Ejercito-15,803,416;
- Senator Risa Hontiveros-15,385,566; kag
- former senator Jinggoy Estrada-15,071,213
