ILOILO CITY – Wala sang deskriminasyon nga natabo sa indi ka-alyado ni Presidente Rodrigo Duterte sa iya administrasyon.
Ini ang ginpahayag ni Duterte sa launching sang Digital Innovation and Modernization of the Philippine Postal Corporation sa Liwasang Bonifacio, Manila City.
Nagpasalamat si Duterte nga ginhatagan siya sang anum ka tuig agud nga mangin presidente sang pungsod.
Ginhalimbawa ni Duterte ang madamo nga infastructure projects sa pungsod.
Suno sa iya, bisan diin lang nga bahin sang pungsod, madamo sang gintukod nga proyekto.
Apang, suno sa Department of Public Works and Highways (DPWH), 12 gid lamang sa 119 ka infrastructure projects sa idalom sang Build Build Build program ang na-kumpleto.
Samtang, gintawag man niya nga isa ka weak leader si Vice President Leni Robredo kag indi dapat nga pagsaligan bangud sa pagpakamalaot sang bise presidente sa madugu-on nga drug war ni Duterte nga nagpatay sang linibo ka mga drug suspects.
