ILOILO CITY – Magapatigayon sang pinakauna nga “Ube Fiesta” ang Philippine General Consulate in Frankfurt sa Steyler Missionare sa St. Augustin sa Hunyo 4.
Suno kay Bombo International Correspondent Aimee Andaya Hilger direkta sa Germany, katuy-an sini nga event nga ma-promote kag ma-raise ang awareness sang ube bilang isa ka sustainable, healthy, organic, kag masunod nga trend product nagikan sa Pilipinas.
Sa sini nga aktibidad, mahatagan sang tsansa ang mga Germans nga makatilaw sang nagkalain-lain nga pagkaon kag ilimnon nga himo sang ube ukon purple yam.
Sa sini nga festival, ginalauman nga ma-highlight ang pila ka kina-iya sang ube nga nagasanto sa German sustainability, culinary kag social responsibility values pinaagi sa pagpakita sang special nga mga dishes kag beverages gamit ang ube bilang ingredient.
Sa aga, may yara sang Santacruzan para mapakita ang tradisyon sang Pilipino sa bulan sang Mayo kag pagasundan sang film showing nahanungod sa ube kag sa ahpon, may yara sang patigayunon sang exhibt sang ube products.
