ILOILO CITY – Matapos ang madugay nga paghipos sa social media, liwat nga nagtuga sang gahud ang aktor nga si Tom Rodriguez.
Naobserbaran sang mga fans nga wala na gina-follow ni Tom sa Instagram ang iya asawa nga aktres nga si Carla Abellana.
Apang, gina-follow sa gihapon ni Carla si Tom sa Instagram.
Sang nagligad nga adlaw, gin-open liwat ni Tom ang iya account humalin sang gin-deactivate niya ini sang Marso kag nag-share sa iya IG story sang silhouette sang duha ka kamot nga nagabulag sang kadena.
Ang IG story ni Tom ang gin-post niya pagkatapos sang espekulasyon nga nagapreparar na si Carla sang annulment nila.
Ini ang wala naman ginsabat sang duha ka kampo.
Ang duha ang ginkasal sang October 2021 pagkatapos sang pito ka tuig nga relasyon kag naggwa ang mga isyu sang pagbulagay nila sang January matapos nga gin-unfollow nila ang tagsa-tagsa sa Instagram.
Una na nga ginpahayag sang amay ni Carla nga si PJ Abellana nga may naka-one night stand si Tom nga gilayon man niya nga ginbawi.
