ILOILO CITY – Gin-ako ni Bugoy Cariño nga nagsulod sa iya paminsaron nga ipahulog ang bata sa tiyan sang iya nobya nga volleyball player nga si EJ Laure.
Aminado si Bugoy nga naapektuhan ang iya naga-amat amat pa lamang nga career sa showbiz sang nahibaluan nga nagabusong na si Laure.
Sang amo nga tion, 16 anyos lamang si Bugoy samtang 21 naman si Laure nga nagahampang pa sa UST.
Apang pagligad sang isa ka semana, narealisar sang child actor nga daw kaangay nga nagpatay siya sang tawo kun ipadagdag niya ang bata.
Bangud sini, gin-istorya niya ang iya akig pa nga mga ginikanan.
Gin-istorya man niya si EJ nga gilayon man nga nagpasugot.
Apang kinahanglan pa nila nga atubangon kag batunon ang kaakig sang pamilya ni EJ.
Madumduman pa ni Bugoy nga nagaduko lamang ini sa tion nga magkaon upod ang pamilya sang atleta.
Bangud nga wala na sang trabaho, tuman ang kabalaka ni Bugoy apang maayo lamang kay nakapatindog ini sang mineral water station kag nagsulod man sa online selling.
