ILOILO CITY – Gin-imbitar sang European Union (EU) si President Ferdinand “Bongbong” Marcos Jr. nga magbisita sa ila headquarters sa Brussels, Belgium agud istoryahan ang foreign policy issues kag bilateral relations sa tunga sang Pilipinas kag sang bloc.
Mismo si EU Council President Charles Michel ang nag-imbitar kay Marcos pinaagi sa isa ka sulat nga ginpa-agi kay EU Ambassador to the Philippines Luc Véron nga nagtiglawas sa iya kag sa European Commission President Ursula von der Leyen sa presidential inauguration sang Hunyo 30.
Nagpabutyag man ini sang paglaum nga magapasakop si Marcos sa EU-ASEAN Commemorative Summit sa Brussels nga patigayunon sa Disyembre.
Sa subong, wala pa sang naka-schedule nga trip si Marcos abroad suno sa iya press secretary nga si Atty. Trixie Cruz-Angeles.
Nahibaluan nga ang Pilipinas kag ang EU ang nagpirma sang Partnership and Cooperation Agreement (PCA) nga naghatag sang “enhanced legal framework,” nga nagpabaskog sang bilateral relationship ilabi na sa political, social, kag economic matters.
