Nagapadayon ang Department of Social Welfare and Development (DSWD) sa pag-review sang mga Filipino families nga indi man deserving nga makabaton sang assistance sa idalom sang Pantawid Pamilyang Pilipino Program (4Ps).
Suno kay DSWD spokesperson Irene Dumlao, posible nga maka-guwa na subong nga semana ang resulta sang review agud mahibaluan kun pila ang kakason gikan sa programa.
Una na nga ginpahayag ni DSWD Secretary Erwin Tulfo nga may yara sang ginabanta 900,000 ka “underserving” 4Ps beneficiaries nga kakason gikan sa social assistance programs.
Ini kasunod sang mandu ni President Ferdinand “Bongbong” Marcos Jr. nga tinluan ang lista sang 4Ps beneficiaries.
Nag-release man si Tulfo sang direktiba nga naga-engganyo sa publiko nga ireport ang mga indibidwal nga yara gihapon sa 4Ps program apisar nga may nakit-an nga eligibility issues.
As of first quarter subong nga tuig, 4.2 million households ang aktibo nga myembro sang program suno sa DSWD.
Ang 4Ps program amo ang nagahatag sang cash grants sa pigado nga mga pamilya nga may mga kabataan nga naga-edad sang indi maglapaw sa 18-anyos.
Ang mga pamilya nga wala sang eligible household members kag may non-compliance sa program conditions amo ang lakip sa ginakakas sa 4Ps program.
