ILOILO CITY – Wala sang basehan ang tikang sang House of Representatives sang Estados Unidos nga pagpa-untat sang assistance sa Philippine National Police.
Sa isa ka statement ginpahahayag ni Senator Robinhood Padilla nga base sa iya personal nga eksperyensya sa PNP kag Armed Forces of the Philippines (AFP), ginapasigurado sang security forces nga mapabilin ang huma rights.
Suno pa sa iya, kun may yara man siya sang may nakita nga kasal-anan sang PNP ukon sang AFP ukon sang ano man nga sangay sang gobyerno nga may kaangtanan sa human rights, siya mismo ang una nga maghambal kag magbuyagyag sini.
Apang suno sa iya, sa kadugayon niya kag sa isa ka tuig nga pagtrabaho niya sa AFP, nakita niya kun paano gina-respeto sang mga otoridad ang civilian.
Gani, indi niya maintindihan kung sa diin nagakuha ang oposisyon sang mga ginapahayag nga human rights violation.
Matandaan nga sang nagligad nga semana, nagpasar sang isa ka resolution ang House of Representatives sang Estados Unidos nga ilakip ang pag-amyendar sang proposed National Defense Authorization Act for Fiscal Year 2023 nga maga-untat sang paghatag sang assistance sa PNP tubtob nga ang requirements sa human rights ang ma-meet sang Pilipinas.
Ginpahayag man ni Padilla nga ang America ang nagpasalig sang suporta sa Pilipinas sa ginpatigayon nga Independence Day celebration sa US Embassy.
Nagpanawagan naman ini sa mga indibidwal nga indi ini ang tion agud nga mangpulitika.
Wala na sang iban nga ginasinggit pa ang presidente kundi ang “unity”.
Samtang, ginpahayag naman ni Senator Jinggoy Estrada nga amo ang magapungko bilang chairman sang Senate Committee on National Defense nga ang Pilipinas ang mahimo nga magpangayo sang bulig sa iban pa nga kaalyado magluwas sa Estados Unidos.
Suno sa iya, madamo ang pungsod nga kaalyado sang Pilipinas nga mahimo nga magbulig.
Gin-kwestiyon man sini ang basehan sang tikang sang US.
Suno sa iya, wala sang human rights violation nga natabo.
