Ginpahayag sang Department of Budget and Management (DBM) nga nagapanguna ang education kag infrastructure sa prayoridad sang Marcos Jr. administration.
Kadungan ini sang personal nga pag-turnover ni Budget Secretary Amenah Pangandaman sang proposed P5.268-trillion 2023 national budget sa House of Representatives.
Yara sa P852.8 billion ang budget para sa education kun sa diin covered ang Department of Education, state universities and colleges, Commission on Higher Education (CHED), kag Technical Education and Skills Development Authority (TESDA).
P718.4 billion ang proposed budget sa Department of Public Works and Highways samtang ang Department of Transportation naman ang may yara sang proposed 167.1 billion para sa infrastructure projects.
May gin-propose nga P296.3 billion para sa health sector — lakip diri ang Department of Health (DOH) kag Philippine Health Insurance Corp. (PhilHealth).
Ang Department of Agriculture, attached agencies, kag ang Department of Agrarian Reform ang makabaton sang P184.1 billion.
May P197 billion para sa Department of Social Welfare kag may P26.2 billion para sa Department of Labor and Employment.
May nakapain nga P453.1 billion para sa green governance, partikular na sa climate change expenditures.
May yara naman sang P240.7 billion para sa Department of National Defense (DND), kag P31 billion para sa National Disaster Risk Reduction and Management Fund (NDRRMF).
Magaumpisa ang House appropriations panel sa hearing sa sini nga budget sa Agusto 26.
Suno sa House leaders, ang goal amo nga maaprubahan ang budget antes ang plenary sa September 30 ukon October 1. ##
