ILOILO CITY- Nag-umpisa na subong nga adlaw ang isa ka tuig nga selebrasyon sang University of San Agustin Conservatory of Music.
Sa interview sang Bombo Radyo kay Dr. Gerardo Vicente Muyuela, Doctor of Musical Arts in Piano Performance kag Academic Supervisor sang Conservatory of Music, iya ginpahayag nga ini may kaangtanan sa ila 55th Founding anniversary.
Suno kay Muyuela, tuig 1967 nag-umpisa ang Conservatory of Music.
Bilang kabahin sang aktibidad, may patigayunon sila nga fund raising concert sa Nobyembre 25.
Ang benefeciaries sini amo ang Indigenous Peoples sa Guimbal, Iloilo kag partner community sa Nabitasan, Leganes, Iloilo.
Magapasundayag naman sa concert ang Conservatory of Music Vocal Ensemble and Pop Orchestra kag University of San Agustin Kahilwayan Dance Troupe.
Dugang ni Dr. Muyuela, umpisa sa Enero 2023, may yara sila sang series sang mga shows kag concerts nga magalawig tubtob sa Nobyembre sa masunod nga tuig.
