ILOILO CITY- Blangko sa gihapon ang otoridad sa identity sang indibidwal nga responsable sa pagpatay sa isa ka houseboy sa Villa Segundina Subdivision sa Brgy. Bolong Oeste, Sta. Barbara, Iloilo sang bag-ong tuig.
Ang biktima amo si Ricky Patias, 40, tumandok sang Brgy. San Miguel, La Carlota City, Negros Occidental nga nakaangkon sang pilas sa tuo nga guya nga gintunaan sang iya kamatayon.
Sa interview sang Bombo Radyo kay Police Major Rey Pabalan, hepe sang Sta. Barbara Municipal Police Station, iya ginpahayag nga base sa ila imbestigasyon, may nakabais sang damlag lang ang biktima kag isa ini sa ginasundan nga anggulo sa krimen.
Sa subong,ginatinguhaan nila nga makapangita sang Closed Circuit Television Footages sa lugar agud madasig nga matumod ang responsable sa krimen.
Nahibaluan nga nagasinadya sa gwa sang balay sang iya employer ang biktima sang ini ang gintiro.
