ILOILO CITY- Masobra sa P700,000 ang balor sang iligal nga druga nga nakuha sa live-in partner sa ginpatigayon nga drug buy bust operation sa Barangay Sto. Niño Sur, Arevalo,Iloilo City.
Ang nga nadakpan amo sanday Eddie Sevillo, isa ka tricycle driver, kag Richelle Germo.
Nakuha sa duha ang 22 ka sachets sang suspected shabu nga ginabanta nagabalor sang P748,000.
Magluwas sa suspected shabu, narekober man ang P18,000 nga buy bust money.
Nahibaluan nga napreso na si Sevillo sang 2018 sa isa ka buy bust operation kag nakaguwa sang 2021.
Sa interview sang Bombo Radyo kay Barangay kagawad Joemarie Millano, iya ginpahayag nga nakatuad si Germo nga nagabaligya gid man sang una sang illegal nga droga si Sevillo apang nag-untat man sang nakagwa sa presuhan.
Suno pa kay Germo, nadalahig lamang siya sa iligal nga aktibidad sang iya live-in partner.
