Iloilo City – Naglab-ot sa P199,500 ang natuga nga halit sang pagsigabong sang supplies kag equipment sa Regional Explosive Ordinance and Canine Unit 6 sa compound sang Iloilo City Police Office.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga ginahulat nalang ang post-blast investigation sang Police Region Office 6 Scene of the Crime Operation kag arson investigation result sang Bureau of Fire Protection agud matumod ang gintunaan sang pagsigabong.
Matandaan nga sa amo nga insidente, pilason sanday Patrolwoman Shyrine Manuel, Fernando Sabidalas nga lineman sang isa ka telecommunication company kag John Mark Garcia.
Suno kay Sangrines, lunsay nakagwa sa ospital ang tatlo kag yara na subong sa maayo nga kahimtangan.
