Iloilo City – Paborable para sa mga onion vendors sa Iloilo City ang pag-import sang gobyerno sang bombay sa pungsod.
Nahibaluan nga ang kakulang sang suplay sang bombay ang resulta man sang pagtaas sang presyo sa mga merkado.
Sa interview sang Bombo Radyo kay Joselito Salmon, Vegetable Vendor sa La Paz Public Market, iya ginpahayag nga pabor ini sa pag-import sang bombay bangud makaginansya ini.
Suno kay Salmon, nabudlayan ini magbaligya bangud damo ang nagareklamo sa gulpi nga pagtaas sang bombay.
Sa subong, nagdangat sa P400 tubtob P600 ang kilo sang bombay.
Ginalauman naman ang pagnubo sang presyo sini subong nga bulan kadungan sang pag-abot sang 21,060 metric tons sang imported nga bombay sa pungsod.
