Cabatuan, Iloilo – Ginpa-Bombo sang concerned citizen ang main road nga indi maagyan sa Gines Patag, Cabatuan, Iloilo.
Sa interview sang Bombo Radyo kay Susan Braña, residente sang nasambit nga lugar, iya ginpahayag nga ginpasarado ang kalsada umpisa sang paglaslas sang Bagyo Paeng.
Suno kay Braña, ang pagpasira sang dalan ang nagtuga sang kahangawa sa mga pumuluyo bangud naga amat-amat nga gaka-usmod.
Samtang, ginhingyo naman ni Braña ang madasig nga pagpakay-o sang dalan para maagyan sang mga salakyan.
Nahibaluan nga ang dalan amo ang gina-agyan pakadto sa banwa sang Janiuay, Lambunao, kag Calinog, Iloilo.
