Iloilo – Nagkumporme nalang si Iloilo 2nd District Representative Michael “Mike” Gorriceta nga sundon ang rekomendasyon ni Sen. Franklin Drilon nga i-fast track ang side lane sa idalom sang Ungka Flyover.
Sa interview sang Bombo Radyo kay Gorriceta, iya ginpahayag nga sa diskusyon nila ni Sen. Drilon kaupod si Department of Public Works and Highways Secretaary Manuel Bonoan, iya ginpahayag nga pabutangan sang duha ka lanes ang side road agud mahatagan solusyon ang trapiko.
Matandaan nga ginhingyo ni Gorriceta kay Secretary Bonoan nga buksan sa motorista ang pila ka lanes sang flyover sa kondisyon nga limitado lang ini sa mag-an nga mga salakyan.
Ang nasambit nga suhestiyon naman ang ginkontra sang Ilonggo Structural Engineer nga si Engr. Nilo Jardeleza bangud dako ang posibilidad nga may peligro nga matabo sa tion nga piliton nga agyan ang kontrobersyal nga Ungka flyover.
