Iloilo City – Ginalauman ang moderate to heavy traffic subong nga pila ka adlaw na lang antes ang highlights sang Iloilo Dinagyang Festival 2023.
Sa interview sang Bombo Radyo kay Mr. Jeck Conlu, pinuno sang Public Safety ang Transportation Management Office, iya ginpahayag nga okupado na ang mga dalan para sa mga judging areas nga nahamtang sa sa Iloilo Freedom Grandstand, Mapa St., Quezon-Ledesma, kag sa atubang sang Iloilo Provincial Capitol.
Suno kay Conlu, magluwas sa mga stages para sa Dagyang sa Barangay, may yara man para sa Ilomination kun sa diin may ara sang rerouting.
Pagasiradhan naman ang dalan sa Diversion area umpisa alas-4 sang hapon, kag sarang mabuksan sa tion nga matapos ang performance sang Ilomination tribes.
Samtang, gina-obra naman ang mga market stalls kag food kiosks para sa food festival.
Ang mga dalan para sa food festival ang pagasiradhan nga nakahamtang sa Valeria Street, Arsenal Street, Yulo Street, Aldeguer Street, Delgado Street nga maga-umpisa sa Miyerkules alas 9 sa aga kag alas 5 sa gab-i.
Nagpanugyan naman si Conlu sa publiko nga indi magpatama inom sang makahulubog nga ilmnon, indi magdala sang mga malahalon nga gamit, kag magbalon sang malaba nga pasensya.
Samtang, may gin-deploy nga 50 ka mga personnel para sa Dinagyang Festival ang Iloilo City Government agud mas hugtan ang seguridad, kag maga-dugang pa sang 50 sa masunod nga application.
