Patay ang 10 ka tawo kag 10 man ang pilason sa mass shooting kadungan sang Lunar New Year celebration sa southern California.
Suno sa Los Angeles County Sheriff’s Department, indi pa maathag subong kun ano ang motibo sa amo nga massacre. Ginapangita pa gihapon subong ang suspek nga ginpahayag naggamit sang semiautomatic weapon.
Natabo ang shooting suno sa pulis sa isa ka ballroom dance studio. Gina-review man subong ang closed-circuit TV footage malapit sa crime scene.
Sa inisyal pa nga impormasyon, lalaki ang suspek kag madasig ini nga nagpalagyo matapos ginhimo ang krimen.
Natabo ang insidente kadungan sang pagtilipon sang mga tawo para sa Lunar New Year Festival sa Monterey Park, isa ka syudad nga may 60,000 nga populasyon.
Ginadugukan sa duha ka adlaw nga event ang nagkalain-lain nga food boots, amusement rides, kag nanari-sari nga live entertainment. ##
