Kaso sang hand, foot and mouth disease sa probinsya sang Iloilo subong nga Enero 2023, yara na sa 224

Naglab-ot na sa masobra 200 ang kaso sang hand, foot and mouth disease sa probinsya sang Iloilo sa una pa lang nga bulan sang 2023.

Ang hand, foot, and mouth disease ang tuga sang virus nga halin sa Enterovirus family.

Sa data sang Iloilo Provincial Health Office, humalin Enero 1 tubtob 21, 2023, yara na sa 224 ang ang kaso.

Ini ang 623% nga mas mataas sa narekord nga duha ka kaso sang amo nga period sang 2022.

Ang may pinakamataas nga kaso amo ang Pavia nga may 29, Barotac Viejo nga may 23, San Dionisio nga may 21,Bingawan nga may 20,kag Calinog nga may 16.

Sa interview sang Bombo Radyo kay Dr. Ma Socorro Quinon, head sang Iloilo Provincial Health Office, naghatag ini sang panugyan agud makalikaw sa balatian.

Ini nga preventive measures nagalakip sang paghugas kag pag-disinfect sang kamot, pag-disinfect man sang mga hampanganan ukon surfaces nga masamo ginatandog, kag likawan ang pagtandog sa mata, ilong kag baba gamit ang wala nahugasan nga kamot.

Kun natapikan naman sang balatian, hatagan sang paracetamol ang bata kun nagahilanat, likawan nga magpalapit sa pampubliko nga lugar, kag paimnon sang madamo nga tubig agud malikawan ang dehydration.