Iloilo City – Isa sa mga ginakalangkagan nga okasyon sa China kag mga Asian countries amo ang Chinese New Year bilang marka sang pag-umpisa sang bag-o nga lunar cycle.
Ini man ang ginaselebrar sa Hong Kong nga isa ka special administrative region sang China.
Nahibaluan nga ginahiwat ini umpisa sang Enero 21 tubtob Pebrero 20.
Suno kay Bombo Christy Velonero, international correspondent sa Hong Kong, iya ginpahayag nga tradisyon sa ila nga magabisita sa pamilya sa pagsaulog sang bag ong tuig.
Dugang pa sang natungdan, nagapadulong man ini upod sang iya amo sa flower market agud magbakal sang bulak kaangay sang mga orchids bilang dekorasyon bangud ginkabig ini nga simbolo nga nagadala sang wealth kag fortune sa panimalay.
Kun pagkaon naman ang gina-istoryahan, ginpabugal ni Veloner nga nagabutang ini sa lamesa sang white turnip ukon radish cake bilang pangyam-is.
Labaw sa tanan, indi madula sa tradisyon sang mga Chinese amo ang Chinese Dragon Lantern Festival nga ginapahayag nagadala sang pagpasag-uli, paghidait kag pagpatawad.
Ginapatihan nga ang pagselebrar sag New Year ang nakasentro agud mapangkakas ang kalain kag kalautan kag abi-abihon ang bag-o kag kanami.
