Iloilo City – Nagakabalaka ang mayoriya sang mga overseas Filipino workers sa Saudi Arabia kasunod sang istrikto nga pagpatuman sang Saudization.
Ang Saudization amo ang policy sang Saudi Arabia nga nagatuyo nga i-localize ang mga trabaho nga nagakinahanglan sang partisipasyon sang Saudi nationals sa local labor market.
Bangud sini, ini ang magaresulta sa pagkakas sa trabaho sang mga overseas Filipino workers.
Suno kay Bombo Nilo Magalan, international correspondent sa Saudi Arabia, iya ginpahayag nga bangud sa amo nga desisyon, madamo na nga mga overseas Filipino workers ang nagapauli nalang sa Pilipinas.
Nahibaluan nga may yara sang 1.83 million nga overseas Filipino workers ang nagatrabaho sa Saudi Arabia.
Ginpahayag dugang sang natungdan nga apisar nga yara sa risgo sa pagkadula sang trabaho ang mga pinoy, may yara ini sa gihapon sang compensation nagikan sa kumpaniya santo sa labor code sang pungsod.
Suno kay Magalan, tuman nga apektado nga mawad-an sang trabaho ang mga white collar jobs kaangay sang clerical kag administrative works.
