Masobra na sa 20,000 ang na-rekord nga nagkalamatay sa Syria kag Turkey kasunod sang 7.8 magnitude nga linog.
Suno sa Turkish authorities, lapaw sa 17,100 na ang kumpirmado nga napatay nga sakop sang Turkey samtang masobra naman 3,300 sa Syria.
Lapaw na ini nga numero sa 18,000 nga amo ang patay sang natabo ang mabaskog man nga linog sa Turkey sang 1999.
Ginalantaw nga magasaka pa ang numero bangud nga padayon pa ang rescue operations apisar nagaulan sang snow sa amo nga lugar.
Nagapadayon man ang pag-abot sang bulig nagikan sa nagkalain-lain nga pungsod.
