Apisar naga-signal na si United Nations aid chief Martin Griffiths nga nagahilapit na nga magtakop ang rescue operations sa southern Turkey, milagro nga may nagaka-kutkutan gihapon nga mga buhi nga mga tawo isa ka semana matapos gintay-og sang magkasunod nga 7.8 kag 7.6 magnitude nga linog ang Turkey kag Syria.
Lakip sa latest nga na-rescue amo ang 10 ka tuig nga bata nga natampukan sang debris sang nag-collapse ang isa apartment building sa Kahramanmaras province.
Buhi ang bata apisar 183 ka oras na ang nakaligad sang natabo ang linog.
May yara man sang 13 ka tuig nga bata nga nakaluwas matapos ang 175 ka oras nga pagka-trap sa building; kag may yara man sang apat ka tuig nga bata nga babayi sa Adiyaman province nga na-rescue matapos ang 178 ka oras.
Ini ginakabig nga milagro ilabi na sang rescuers bangud ginapatihan nga mabuhi ang tawo sa sulod lamang sang tatlo tubtub apat ka adlaw ukon 72-96 ka oras nga wala sang tubig.
Sa subong, lapaw na sa 36,000 ang nagkalamatay sa duha ka pungsod.
Suno sa Turkish authorities, masobra 31,640 ang kumpirmado nga patay sa Turkey as of press time samtang masobra naman sa 4,600 sa Syria. ##
