Iloilo City – Wala pa sa gihapon sang natalana nga petsa para sa ginaduso nga legislative inquiry sa Kamara may kaangtanan sa kontrobersyal nga P680 million nga Ungka Flyover.
Nahibaluan nga nakasaad sa House Resolution 721 nga gin-file ni Kabataan Partylist Representative Raoul Manuel nga isa man ka Ilonggo ang panawagan sa Kamara nga hatagan sang igtalupangod ang problema sa depektibo nga proyekto.
Sa interview sang Bombo Radyo kay Iloilo 2nd District Representative Michael Gorriceta, iya ginpahayag nga ang House Resolution ang isala pa sang Committee on Rules kun sa diin i-assign ini sa nagakaigo nga committee.
Dugang pa ni Gorriceta, ang Committe Chair naman ang magahatag sang schedule kun san-o patigayunon ang legislative inquiry.
Apang sa subong, wala pa sang may nabaton nga notice si Gorriceta.
Nahibaluan nga suportado nanday Gorriceta kag Iloilo 3rd District Representative Lorenz Defensor ang resolution kun sa diin lunsay ini nga nagpirma bilang co-authors sang amo nga resolution.
