Daku nga sorpresa ang ginhimo ni United States President Joe Biden sang ginbisita sini ang Ukraine sa labing-una nga tion halin sang natabo ang Russian invasion.
Nagpakigkita si Biden kay Ukrainian President Volodymyr Zelensky bilang suporta sang nasyon sa Ukraine sa pihak sang pagpang-atake nga ginhimo ni Russian President Vladimir Putin halin sang Pebrero 2022.
Nagpromisa si Biden nga maga-release sang dugang nga $500 million nga military aid sa masunod nga inadlaw lakip na ang artillery ammunition, Javelin, kag Howitzers.
Ini ang una nga bes sa modern history sang Estados Unidos sang Amerika nga nagtapak ang presidente sang pungsod sa war zone nga wala sang aktibo nga American military presence.
Ang pagsulod ni Biden sa Ukraine ang ginapahayag mabaskog nga statement sang pagtindog sang Amerika bilang kaalyado ni Zelenskyy apisar may mga panawagan mismo sa pungsod nga buhinan ang ginahatag nga American aid sa Kyiv. ##
