Iloilo City – Gindayaw ni Cauayan City Mayor Caesar “Jaycee” Dy Jr. ang Iloilo City.
Ini ang kadungan sang iya pagbisita sa syudad sa diin nag-courtesy call siya kay Iloilo City Mayor Jerry Treñas.
Sa interview sang Bombo Radyo kay Mayor Dy, iya ginpahayag nga ang pagbisita sini sa Iloilo City ang kabahin sang inisyatibo sang iya opisina agud mas mapanami ang ila serbisyo sa Cauayan City sa Isabela.
Suno kay Dy, ginakabig nila ang syudad sang Iloilo bilang sister city kun sa diin mangin palaagyan ini agud makuha ang pila ka mga ideya kag good practices agud mahatagan sang mas manami nga serbisyo ang iya mga pumuluyo.
Sa pagbisita sang natungdan sa Iloilo City, ginkawilihan sini ang maragtason nga mga heritage sites kag kun paano ginlakip sang Iloilo City Government ang moderno nga mga disenyo.
Nagpasalig man ang alkalde nga ipatuman sini sa Cauayan City ang mga good practices nga ginpanugyan ni Mayor Treñas.
