Iloilo City – Dakop ang isa ka kawatan matapos nga naaktuhan sang security guard nga ginkawatan ang isa ka manunudlo sa atubang sang Iloilo National High School sa Luna Street, La Paz, Iloilo City.
Ang suspek amo si Roberto Caluya, 45, kag residente sang Rizal Pala-Pala Zone 2, Iloilo City.
Samtang, ang security guard nga nakadakop amo si Ronie Magno nga nagatrabaho sa amo nga eskwelahan.
Sa interview sang Bombo Radyo kay Magno, iya ginpahayag nga ginlagas niya ang suspek sang hinali ini nga nagdalagan.
Suno kay Magno, naghana ang suspek nga magsakay sa jeep, apang ginpapundo sini ang driver agud madakpan si Caluya.
Diri na kag natigayon ang pagkadakop sa suspek kun sa diin nakuha ang wallet sang biktima nga may unod nga P150.
